Oet Dorp en Marke

Oaln toorn

ODEM1993 2 02Oh Tweantelaand, mien Dinkellaand, 't laand, woar ik bin geboorn
in 't doarp roond 'n oaln toorn.
Wat zol dee könn'n vertell'n
as hee alns wol vermel'n
van alle meanske, jong en oald.
Dan bleef gineen 't herte koald.

Hee was d'r ait, in leef en leed,
in bliedschop en ok wa bie verdreet,
dan wör d'r tied en de leu dee wuss'n dan bescheed.
De deur gung los van ieder hoes um efkes stil te stoan en stil te löster'n,
d'r was wat neijs, d'r was wier wat te flöster'n!

An 't luud'n koj 't wa heurn (dee ’t heurn wol): oh joa, doar zat wa geald....
dan gung 't er of, dan luud'n 't spul van woonder en geweald."
't Lag an de luuders, want dee kearls dee trokken an de tow,
dee wuss'n wa: n'n borrel too, dan kekk'n ze nich zo nauw.
Mangs gung nich har, dan dach'n wie: de trekkers bint gauw meu;
wie wuss'n dan: dee klokk'n doar löd veur een van de kleane leu!

Toch hop ik, da'w in disse tied de klokk'n nog wier zölt heurn;
dat hoalt 't doarp zo bie mekaar, d'r kan zo völ gebeurn !
As 't nije roadhoes dan temet heel deftig in wad löd
dan hop ik toch veur oos en alleman, dat 'n Oaln Toorn dat wier döt.

(een overweging van Mevr. L. Nijkerken-Vermeulen uit de tijd, dat het "nieuwe" gemeentehuis bijna klaar was en de Oude Toren noodgedwongen moest zwijgen, omdat de klokken in reparatie waren.)

Copyright 2016-2019 © Historische Kring losser. Overname alleen toegestaan na schriftelijke toestemming.